حضرت بشر حافی رحمہ اللّه

آپ کے تائب ہونے کا سبب یہ بتایا جاتا ہے کہ راستے میں آپ نے ایک کاغذ پڑا دیکھا کاغذ پر لوگوں کے پاؤں پڑ رے تھے دیکھا تو اس پر اللّه کا نام لکھا تھا اٹھا لیا ان کے پاس ایک درہم تھا جس سے انہوں نے کستوری جیسی خوشبو خریدی اور اس کاغذ پر لگا دی پھر اسے دیوار کی دراز میں رکھ دیا .

ایک دن نیم خواب کی حالت میں دیکھا کہ آپ سے کوئی کہہ رہا ہے " اے بشر تو نے میرے نام کو خوشبو لگائی ہے تو میں تمہارے نام کی خوشبو دنیا بھر میں بکھیر دوں گا "حضرت بلال خواص رحمہ اللّه بتاتے ہیں کہ میں اسرائیل کے مشہور جنگل " تیہ " سے گزر رہا تھا دیکھا تو ایک اور شخص میرے ہمراہ چل رہا ہے میں اسے دیکھ کر حیران رہ گیا اچانک میرے دل میں یہ بات آئی کہ یہ خضر علیہ السلام ہوں گے چناچہ میں نے ان سے کہا " تمھیں خدا کی قسم دیتا ہوں بتاؤ تم کون ہو ؟ انہوں نے کہا میں تیرا بھائی خضر ہوں میں نے دوبارہ سوال کیا کہ آپ سے کچھ پوچھنا چاہتا ہوں فرمانے لگے پوچھو !

 میں نے عرض کی کہ آپ امام شافی رحمہ الله کے بارے میں کیا کہتے ہیں انہوں نے بتایا کہ وہ اوتاد میں سے ہیں میں نے پھر عرض کی کہ امام احمد بن حنبل رحمہ اللّه کے بارے میں کیا ارشاد ہے انہون نے فرمایا کہ وہ بہت سچے آدمی ہیں 
میں نے پھر پوچھا کہ بشر حافی رحمہ اللّه کے بارے میں آپ کیا فرماتے ہیں فرمایا کہ اللّه نے ان کے بعد کوئی ان جیسا پیدا نہیں فرمایا ۔
( رسالہ قشیریہ )